Pinatanidan kan Malakanyang si Vice President Sara Duterte na dae magin asal aki huli man ta bakong sarong dakulang playground an gobyerno.
Sinaysay ni Palace Press Office Undersecretary Atty. Claire Castro, nagluluwas an tunay na anyo kan Bise Presidente komo sarong public servant makalihis kaining sabihon na imposibleng makapagpabakal nin P20 kada kilo nin bagas alagad aram kaini kun pano ini gibuhon asin dae man iheheras ki Presidente Ferdinand Marcos Jr.
Sigun pa ki Castro, nagpapahiling sana na makasadiri si VP Sara nin huli ta habo kaini na magtabang sa Presidente kun talagang igwa ining kaaraman.
Dugang pa kaini, kun may kaaraman para sa taumbayan ay dapat tulos ini na pigheheras asin man pigsasagibo na kun saen dae na kaipuhan pa na maghanap timing.
Dae na soboot naiisip kan nasambitan ng Bise Presidente an kapakanan kan taumbayan orog na an iba ay nadidipisilan na magbakal njn bagas sa dawa na hababang presyo.
Pagirumdom pa ni Castro ki VP Sara, an pagsisirbi sa bayan an bakong sarong kawat asin man an gobyerno an bako nin dakulang playground kaya man dae dapat ini magin asal aki
