Pigsaysay kan Philippine Statistics Authority Bicol na an inflation rate sa Rehiyong Bicol an nagbaba sa 1.6 percent kan nakalihis na April gikan sa 2.1 percent kan Marso asin 3.7 percent kan April kan nakalihis na taon.
An nasambitan ng numero an pigkokonsederar na pinakahababa puon pa kan November 2019 na nagpakol sa 1.2 percent.
An pagbaba sa kabilugang inflation kan April an huli sa maluyang paghiro kan pagkakan, non-alcoholic beverages sa 0.9 percent kan April gikan sa 1.5 percent kan nakalihis na bulan, paharong, tubig, kuryente, gas asin iba pang fuels sa 2.5 percent gikan sa 3.0 percent kan nakalihis na bulan.
An average price kan regular milled rice an nagbaba man sa P53 kan 2024 hasta P45.86.
An iba man na contributor sa downtrend iyo an pig-aapod na pagbaba sa transport index sa 1.7 percent kan nasambitan ng bulan gikan sa 0.7 percent na pagbaba kan Marso.
Mientrastanto, nagbaba man an inflation sa anom na probinsiya kan Bicol kan nakalihis na April.
An Albay nakapagrehistro nin inflation sa 1.9 percent; Camarines Norte, 1.2 percent; Camarines Sur, 1.4 percent; Catanduanes, 3.3 percent; Masbate, 1.8 percent; asin Sorsogon, 1.3 percent.
Sa ngunyan, piglalaoman kan PSA na padagos na mababa an inflation sa Bicol Region orog na sa mga masunod na bulan.
