Ipinag-orgulyo kan Commission on Elections (Comelec) na igwang halangkaw na accuracy ratings an ginamit na automated vote counting machine sa kakatapos na May 2025 elections.
Sigun ki COMELEC Chairman George Garcia, na basado sa isinagibong Random Manual Audit (RMA) na iminamando kan ley, nagluwas na igwang 99.996 percent accuracy rate an ginamit na automated vote counting machine.
Nalampasan kaini an 2022 national electionsna igwa sanang 99.95 percent accuracy rate.
Piglalaoman na makukumpleto an audit hasta sa Hunyo 28.
Advertisement
Advertisement
