Padagos an pangapodan kan Bureau of Internal Revenue (BIR) sa tamang pagbabayad nin buwis. Katakod kaini, pinalawig man kan ahensya hasta Hunyo 16 an pagsusundad nin aplikasyon sa Estate Tax Amnesty Program.
Enot nang sinaysay kan opisina na hasta sa kasuudma, Hunyo 14 an huring aldaw kan pagsusunad kaini.
Sa sarong pahayag, sinaysay ni BIR Commissioner Romeo Lumagui Jr., kabali sa sakop kan alok na amnestiya an mga property kan mga yumao antes o kan Mayo 31, 2022 na dae pa nababayadan na buwis.
Pig-anunsyar man kaini an iba pang mga payment facility para sa mga mawot pang humabol asin mag-avail ng programa.
Kabali na digdi an pagbabayad sa paagi kan over-the-counter sa saindang mga Authorized Agent Banks asin pagbabayad sa paagi kan BIR-approved electronic payment gateways asin iba pang options siring kan pagpasiring sa mga Revenue District Offices o Revenue Collection Officers.
