Dae pinagbabasulan ni Presidente Ferdinand Marcos Jr. an saiyang nagin desisyon na paramientras suspendiron an EDSA rehabilitation. Sigun sa Presidente, dae kaya kan kaniyang kalooban na mahiling an pagsapo kan mga tao sa laog nin duwang taon.
Dae pwedeng dugangan an pasakit sa mga ordinaryong tao na nagmamati nin amay na aga tangani sana makalaog sa trabaho asin aabuton man nin dis oras na nin pagkabanggi antes na makapuli huli sa magabat na bulos kan trapik.
Ini man an rason kaya nagkakanigo na pag-adalan nin marahay kun ano mabuti kung ano an pinakamarikas na paagi tangani maisaayos an EDSA nin dae makawsa nin dakulang disturbo.
Nagtutubod an Presidente na kakayanon na maipakarhay an EDSA sa mas halipot na panahon sana asin dae magigin pagabat sa mga motorista.
