Dae mababa sa walong katawo an nagadan makalihis magbagsak an hot air balloon sa Praia Grande, Santa Catarina, Brazil kan Sabado nin pagkaaga (local time), sigun sa Gobernador na si Jorginho Mello.
Sa pagkakarkulo kan mga otoridad nasa kabilogang 21 katawo an lunad kan nasambitan ng air balloon, asin 13 digdi an nakasalbar kabali na an piloto.
Sigun sa pulisya, nagpuon soboot an kasulo sa laog basket balloon, kaya tulos ining binaba kan piloto.
Mantang paparani sa kadagaan, pigsugo kan piloto na naglukso soboot an mga pasahero alagad dae gabos an nakalukso antes magdakula an kalayo.
Huli sa gabat, liwat naglangkaw an balloon asin dagusang marekas na bumulusok pababa na iyong ikinagadan kan iba pa. Kabali sa binawian nin buhay an duwang mag-ilusyon, mag-ina, sarong doctor, asin sarong figure skater.
Mantang an mga nakasalbar an tulos na dinara sa mga haraning ospital.
Sa ibong kan nasapong aksidente, pig-untok muna kan pamayuhan kan kumpanya an operasyon kaini asin tinawan-duon na magsunod sinda sa gabos nin regulasyon asin mayo mang historya kan anuman aksidenteng nasapo.
Mientrastanto, nagpahayag nin pakikidumamay si Brazilian President Luiz Inácio Lula da Silva asin pigsierto an tabang kan gobierno para sa mga biktima.
Napag-araman na an Praia Grande an sarong tanyag na destinasyon para sa hot air balloon para sa mga turista sa lugar.
