Mas magigin agresibo an Kamara ngunyan na 20th Congress sa pagbubusol kan mga ley na may kinaaraman sa sweldo asin presyo kan langis asin sisiertohon an koordinasyon asin maagap na aksiyon tanganing maibusol an tulos na mga importanteng ley.
Sigun ki Tingog Party-list Representative Jude Acidre, dae pigmamadali an mga importanteng prowestong ley huli ta igwa nin pirang sektor na dapat makunsulta.
Reaksiyon ito ni Acidre sa pangapodan na dapat mas enuton tanganing tulos na mapagtibay an mga propwestong ley na “marani sa sikmura”.
Kan 20th Congress, ipinapangapodan na ibusol an pag amyenda sa oil deregulation law huli sa padagos na paglangkaw kan presyo nin mga produktong petrolyo.
Sa isyu man kan langkaw-sweldo, pigtuyaw an haloy na aksiyon kan Kamara sa isyu kan legislated wage hike kaya dae naipasar antes an sine die adjourment kan 19th Congress.
