Nagpahayag nin pagkahadit si Special Assistant to the President for Investment and Economic Affairs Secretary Frederick Go sa nagin desisyon kan Amerika na magpataw nin 20% tariff o buwis sa mga pig-aangkat na produkto gikan sa Pilipinas.
Sa Malacañang press briefing, sinaysay ni Go na posibleng makaapektar an lakdang na ini sa competitiveness o kakayahang makipagsabayan kan mga Pilipinong produkto sa US market.
Sigun pa ki Go, dawa halangkaw ini kumparar sa presenteng kondisyon, ini an ikaduwang pinakahababa sa bilog na rehiyon kasunod sana kan Singapore na may 10% tariff.
Sa ibong kaini, pig-giit ni Go na nagtitinir na committed an administrasyong Marcos sa padagos na negosasyon, tanganing mapangataman an interes kan nasyon asin maproteheran an trade competitiveness kan mga Pilipinong exporter.
