Matao an Amerika nin nasa P13.8 million tangani matabangan an mga biktima kan kalamidad sa Pilipinas na labi sa sarong semana nang nananalasa asin nagigin rason sa pagkagadan kan nasa 25 katao asin nagpa-displace sa ginatos na mga residente.
An nasambitan ng US funding an katampad kan $250,000 na obheto na matabangan an gobyerno kan Pilipinas sa life-saving response kaini sa mga sinalanta kan matinding mga pag-uran asin pagbahang kawsa kan magkakasunod na bagyo asin matinding habagat.
Sigun ki US Ambassador to the Philippines MaryKay Carlson, iheheras an nasambitan ng tabang sa paagi kan United Nations World Food Programme.
Iheheras an US relief aid sa mga komunidad na apektado kan mga pagbaha sa Metro Manila, Northern asin Central Luzon asin CALABARZON.
Susog pa sa US envoy, mahigot man na nakikipagkoordinar an interagency team kan US embassy sa gobyerno kan Pilipinas asin sa WFP tangani masigurong makakaabot an mga tabang sa mga labing nangangaipuhan.
