Pigtawan-duon kan Korte Suprema na mayong hurisdiksiyon an Senado tanganing magsagibo pa nin ‘impeachment proceeding’ tanganing isairarom sa paglilitis si Vice President Sara Duterte.
Kun saen dae na pwedeng ipagpadagos o mag-convene an halangkaw na kapulungan kan kongreso tanganing magsirbing ‘Senate Impeach Court’.Ini mismo an inihayag ni Supreme Court Spokesperson Atty. Camille Sue Mae Ting kasunod kan maideklarang ‘unconstitutional’ an ‘articles of impeachment’ na pigsunad kan Kamara.
Mayo soboot nin hurisdiksyon an Senado tanganing ini ipagpadagos pa huli man ta naipawarang bisa na an ‘impeachment complaint’ asin pigdeklarar pang dae naayon sa ley.
Kaya huli digde, nagin banga asin manlaen-laen an reaksiyon kan publiko sa deklarasyon na inisyu kan Kataas-taasang Hukuman dapit sa ikaduwang Presidente.
Sa sarong entrevista ki Roberto ‘Ka Dodoy Ballon, sarong parasira, saiyang pangapodan na madagos pa man an impeachment trial kan Senado.
Nagtutubod kaya ining dapat malitis si Vice President Sara Duterte tanganing maaraman an katotoohan asin maipahiling sa publiko an ‘transparency’ sa pagsasagibo kan paghatol.
Alagad sigun man sa sarong paratukdo sa Araling Panlipunan kaipuhan pa muna soboot mapag-adalan nin marhay an desiyon kan korte. Kaya saiya na sana ining hahalaton kun ano an magigin lakdang o mangyari pa sa mga masunod na aldaw.
Mantang an tagapagtaram kan Partido Demokratiko Pilipino na si Atty. Ferdinand Topacio, labi na ikinaogma an nasambitan ng resolusyon.
Puon pa sana soboot nanindugan na sindang ‘unconstitutional’ kaya saindang ikinaogma an deklarasyon kan Korte.
