“Breath of fresh air” para ki Senador Ping Lacson an lakdang ni Senate Committee on Finance Chair Senador Sherwin Gatchalian tanganing siertuhon an transparenvy sa paghubog kan national budget.
Naglalaom si Lacson na magin kaakibat an kapwa kaining pro-transparency na senador sa pagsierto na mayong “pork” sa budget.Kinatigan man kaini an prosopwestong i-upload sa website kan Senado an mga dokumento tanganing masierto an transparency.
Digde man soboot maaraman kun sisay nag-insert asin posibleng mag-atubili an congressman o senador na mag-insert kan mayong kwentang pindo na mayo man planong ipagibo asin dae man naka-alihn sa National Expenditure Program.
Ipinahayag man ni Senate Majority Leader Tito Sotto III na bilog an suporta kan saiyang grupo sa prosopwesto ni Gatchalian hasta sa huri.Mientrastanto, kinatigan man ni Senator Kiko Pangilingan an inisyatibo, orog na ta saro ini sa mga nagpirma tanganing maibusol an pagbubukas kan bicameral conference hearing sa publiko.
Pigtawan-duon man ni Senator Imee Marcos na an primerong huma iyo an pagkakaigwa nin digital na kopya kan Genaran Appropriations Bill (GAB) asin bicam report tanganing magkaigwa nin bastante na panahon an mga miyembro kan Senado na ini an surion, baguhon, asin pagtibayon an laog kan pambasang pondo.
Kan nakalihis na aldaw, sinaysay ni Gatchalian na ipapa-upload kaini sa website kan gobyerno an mga dokumentong igwang kinaaraman sa budget process.
Ini an soboot pasiring sa “golden age of transparency and accountability”.
