Nanindugan si Senador Francis “Kiko” Pangilinan na dapat lubos na magin transparent an Department of Agrarian Reform o DAR sa pagbisto asin pagdistribwer kan benepisyo sa mga beneficiaries kan agrarian reform, lalo na ta bilyones pesos an hinahagad kan ahensya para sa 2027.
Sa hearing sa DAR budget proposal, hinagad ni Pangilinan na madaling ma-verify kan publiko an mga benepisyaryo, proyekto, pasilidad, asin negosyo na suportado kan ahensya.
An saiyang pangapudan kabali an geotagging kan mga proyekto, pagbukas kan mga kontrata asin mga dokumento sa pagkua, asin independienteng inspeksyon tanganing maseguro an mga proyektong pinopondohan kan gobyerno talagang nag-eeksister asin operasyonal.
Segun ki Pangilinan, dapat na malinaw kun sain napapaduman an pondo asin kun pirang paraoma talaga an nakikinabang, lalo na sa ₱14.69 billion na propuestong budget kan DAR para sa 2027.
Tinawan niya nin duon na an sukol kan pondo iyo an kongkretong resulta kaini—mas produktibong mga oma, mas estableng kabuhayan, asin mas halangkaw na ingreso para sa mga benepisyaryo kan reporma agraryo.
