Nagkaigwa nin kasunduan sinda Presidente Ferdinand Marcos Jr. asin Prime Minister Narendra Modi na palangkawon pa an lebel kan kolaborasyon kan Pilipinas asin India sa ladangan kan depensa asin seguridad.
Sigun ki Presidente Marcos, nagkasundo sinda kan Punong Ministro na dapat ibahan nin mas mahigot na diyalogo sa pag-ultanan kan mga institusyong pandepensa kan India asin Pilipinas.
Dugang pa kan Presidente, napag-uyunan ninda na magkaigwa nin mekanismo para sa pagheras kan impormasyon asin ribayan nin pagsasanay sa pag-ultanan kan sandatahang lakas kan duwang nasyon.
Parararumon man kan Pilipinas asin India an saindang ugnayan asin kakayanan na mag-operate an Hukbong Dagat asin Coast Guard sa paagi kan pagbisita sa daungan, cooperative activities asin pagpapakusog kan kakayanan sa ladangang pandagat.
Mientrastanto, matinir man na kadakol kalakawan an Presidente para sa ikatolong aldaw na State visit kaini sa India.
