Bweltada na giraray sa nasyon si Manny Pacquiao makalihis an naging laban kaini ki Mario Barrios sa Las Vegas asin man romantic post-fight vacation kaini kaibahan an agom na si Jinkee sa Italy.
Binalikan ni Pacquiao an saiyang ipinahiling na porma laban ki Barrios, sinabing labi ining naogma sa saiyang kondisyon na nakua makalihis sana nin 2 bulan na pagsasanay asin pagkatapos kan 4 na taon na mayong laban.
Sigun ki Pacquiao marikas ining nakabawi asin man nagkaigwa nin mas kadakol na kusog pirang aldaw pagkatapos kan matinding 12 round na laban.
Makalihis an laban, pirang aldaw sana ay nakapag-jogging ini liwat asin man pighers kaini kun gurano kadisiplinado an saiyang two-month training camp. Satisfied man ini sa saiyang nagin condition sa laban, alagad bakong 100%.
An speed, timing, asin punches ay kulang pa soboot.
Kinumpirmar man kaini na nadalan niya na an replay kan laban, asin man overall, naogma ini sa nagin showing niya. Ipinahiwatig ni Pacquiao na posibleng dae na mahalat nin haloy an mga fans tangani mahiling liwat ini sa ring.
Posibleng ngunyan na taon sa bulan nin Disyembre an masunod na laban niya.
Dapit man sa saiyang pagbabalik sa MGM Grand sa Vegas, an venue kan saiyang nagin laban an mailaladawan kaini komo “makasaysayan.” History ini ta siya sana an pinakakadakol na laban sa MGM.
Sa saiyang pagbweltada sa Maynila, sinabi ni Manny na plano kaining magpahingalo, magkawat nin golf, asin man mag-jogging.
