Pinahimutikan kan dating aktres na si Nadia Montenegro na naggamit ini nin marijuana o naninigarilyo sa comfort room kan Senado.
Basado sa incident report kan Office of the Sergeant-at-arms, inako kaini na igwa ining darang vape sa saiyang bag, na soboot pwedeng pinagpuonan kan parong.
Basado sa report ni Senate Security Officer Victor Patelo, duwang beses naireport an insidente kan matapang asin bakong pangkaraniwang na parong na gikan sa ladies’ comfort room na harani sa extension offices kan mga senador.
Enot na naireport an insidente kan nakalihis na katahawan kan Hulyo 2025 bandang ala-5 nin hapon.
Sigun sa report, sarong male staff an nag-apod sa nakatalagang security personnel sa ika-5 palapag tanganing ireport an matapang na parong sa saindang lugar.
Kan dumanan ini, nakumpirmar kan guwardiya an kakaibang parong alagad mayong naobserbarang nagsisigarilyo sa palibot.
An ikaduwang insidente an nangyari kan nakalihis na Agosto 12, 2025 sa parehong oras asin lugar.
Sigun sa report, sarong male staff gikan sa opisina ni Senador Panfilo Lacson an nagsabing igwang parong na kahawig kan marijuana gikan sa ladies’ comfort room asin tinukoy na sulamenteng si Montenegro sana an nasa lugar kaidto.
Padagos an isinasagibong pagberepika kan Senado sa nasambitan ng report.
