Pigrerespeto asin naiintindihan ni dating Senate President Chiz Escudero an naging desisyon kan mga kairiba kaining senador sa pagribay sa saiyang pwesto.
Sigun ki Escudero, nagseserbe ini depende sa kamawotan kan mayorya asin mayo nin kulog nin boot sa nagin desisyon kan mga kapwa Senador.
Nagpasalamat man si Escudero sa mga miyembro kan Senado para sa pagkakataon asin tiwala sa saiya na magserbe sa irarom kan 19th asin 20th Congress.
Pigbati man kan senador si Senate President Tito Sotto III asin mawot kaini an kamarhayan para sa bagong liderato.
Nakaprepar soboot ining magserbe sa irarom kan pamamayo ni Sotto sa anuman na kapasidad na kaya kaining itao sa institusyon.
Pig-orgulyo man ni Escudero na antes natapos an aldaw kan saiyang pagserbe kadakol an na-accomplish sa pagdangog kan Senate Blue Ribbon Committee dapit sa maanomalyang flood control project.
