Pigpapaubaya na kan Department of Justice sa panel of prosecutors an pagkapot kaini sa reklamong katakod sa pagkawara kan mga sabungero.
Ini mismo an inihayag kan presenting sekretaryo kan ahensiya na si Secretary Jesus Crispin Remulla dapit sa kumento kaini sa nasambitan ng kaso.
Kun saen nagsayuma na muna ining magtao nin pahayag dapit sa ‘missing sabungeros case’ huli man ta saro soboot ini sa aktibong kaso.
Boot sabihon, kapot na ini kan panel of prosecutors kasunod kan matapos na an isinagibong ebalwasyon sa reklamong pigsunad kan kaparientes kan mga nawawarang sabungero.
Pabayaan na soboot magtaram an mga magkaibong na kampo sa gaganapong nakatalaang preliminary investigation kan kaso.
Marurumdumang pigsunad an kaparientes kan mga sabungero kasuarin ana an serious illegal detention asin multiple murder kontra sa negosyanteng si Charlie Atong Ang, Gretchen Barreto, asin iba pa.
Ipigtalaan an skedyul kan preliminary investigation sa masunod na semana, ika-18 kan Setyembre kun saen piglalaomang posibleng maghampang an duwang kampo.
Mientrastanto, inihayag man ni Justice Assistance Secretary Mico Clavano na an magtugang na Julie asin Elakim Patidongan, kinakaipuhan pa munang makasuhan antes ma-discharge tanganing kuohon komo ‘state witness’.
Kun mawot soboot kan duwang ‘whistleblower’ mapasairarom sa nasambitan ng protection program, dapat ining mag-agi muna sa nabanggit na proseso.
Kan mahapot man si Justice Spokesperson Clavano kun kumusta na an mga ‘technical divers’ kan Philippine Coast Guard, nasa marhay na kamugtakan na soboot an mga ini.
Marurumduman kaya na kan nakalihis sana, inihayag ni Justice Secretary Remulla na nagkakahelang na an mga ini huli sa pagsisid sa tubig kan Taal Lake.
