Pig-enkaminar ni Presidente Ferdinand Marcos Jr., kan nakalihis na Sabado an mga mananakay na samantalahon an liwat na pagbebweltada kan “Love Bus”, an bistadong serbisyo sa pampublikong transportasyon kan nakalihid na dekada ’70 na ngunyan, modernisado na asin naggagamit nin electric bus para sa salbado, abot-kaya, asin makakalikasang biyahe.
Pigtawan-duon kan Presidente na an proyektong Love Bus an obhetong pagianon an ara-aldaw na sakit kan mga mananakay sa Metro Manila, siring kan haloy na paghahalat, matinding trapiko, asin maating duros.
Sigun sa Presidente mababasawan an traffic, mababawasan an polusyon huli ta electric — asin dakulang tabang pa ini para sa sitwasyon sa Metro Manila, na kun misan haloy magparahalat antes mag-abot an bus, magabat na trapik, asin maluyang padalagan na pigbubugahan soboot an mga mananakay kan exhaust kan mga bus.
Ini man an mababawasan na soboot gabos. An bagong fleet kan 20 electric buses na nagbabiyahe sa manlaen-laen na ruta sa Metro Manila an nagtatao nin libreng sakay sa mga ersons with disabilities (PWDs) asin senior citizens.
Ipigheras man kan Presidente na an mga estudyante an makakaresebir nin 50% diskwento sa pamasahe sa mga masunod na aldaw.
Komo parte kan paglulunsar, libreng sakay para sa gabos an ipapautob buong bulan kan Setyembre.Marurumduman an orihinal na Love Bus an piglunsar kan panahon kan saiyang ina, si dating Unang Ginang Imelda Marcos, na kaidto gobernador kan Metro Manila.
Saro ini sa mga enot na proyekto kaidto tanganing gibuhong mas accessible asin abot-kaya an pampublikong transportasyon.
Nagpasalamat man si Presidente Marcos sa lokal na gobyerno kan Valenzuela sa pagho-host kan nasambitan ng paglulunsar asin binisto an pamamayo kan pamilyang Gatchalian.
