Naghagad an Department of Education nin P928.52 billion badyet para sa 2026 sa Senado.
Obheto kan nasambitan ng pondo na simbagan an suksukan sa mga klasrums, gutom kan mga estudyante, asin kakulangan kan mga kagamitan kan mga paratukdo asin estudyante sa bilog na nasyon.
An alokasyon na ini, katampad kan 4% kan GDP nasyon, na kun saen nakatuon sa pinaka importanteng pangangaipuhan kan pampublikong edukasyon mantang nagpepreparar para sa panghaluyang reporma.
Sigun ki Education Secretary Sonny Angara, kada piso kan badyet an nakatagama para sa mga paratukdo asin estudyante.
Pigtawan-duon kaini na importante an suporta kan Presidente asin kan mga lehislador tangani masimbagan an tulos man na pangangaipuhan asin mapagtibay an pundasyon kan sektor kan edukasyon.
An mga mayor na programa sa irarom kan propwestong badyet iyo an, ₱13.2 bilyon na itatagama para sa haros 4,900 bagong classrooms sa 2026 tangani mabawasan an suruksukan.
Target kan DepEd, sa tabang kan LGUs asin pribadong sektor, an dugang na 40,000 classrooms pag abot kan 2028.
₱11.8 bilyon an itatagama sa School-Based Feeding Program tangani masigurong igwa nin bastante na pagkakan an gabos nin Kindergarten asin malnourished na mga estudyante magpuon Grade 1 hasta 6.
₱16 bilyon an nakatagaman man para sa pagbakal nin laptops asin internet connectivity kan mga eskwelahn na mayo pang access.
₱6 bilyon an itatagama para sa career progression asin promosyon kan pigkakarkulong 113,000 guro asin school heads — pinakadakulang investment para sa saindang kabuhayan.
