Posibleng bawion na kan Senate Blue Ribbon Committee an legislative immunity na itinao ki dating Department of Public Works and Highways (DPWH) – Bulacan Assistant District Engineer Brice Hernandez huli sa kabiguan kaining makipagtabangan sa komite katakod sa mga maanomalyang flood control project.
Ini an makalihis na magsayuma si Hernandez na i-turnover an computer na igwang laog nin mga impormasyon asin kan mga imbwelto sa ghost projects.
Pigkumpirmar ni Senate Sergeant-at-Arms Mao Aplasca na habo na ni Hernandez na i-turnover sa Blue Ribbon Committee an nasambitan ng computer basado na man si payo kan saiyang abogado.
Sigun ki Blue Ribbon Committee Chairman Ping Lacson, desisyon pa man giraray ni Hernandez kun anong gigibuhon huli pagsasadiri man kaini an computer.
Alagad, mapipiritan na man an komite na bawion an legislative immunity asin dae man irerekomendar an paglaog ki Hernandez sa witness protection program (WPP) huli ta dae man kaini pig-utob an pigpromesang bilog na pakikipagtabangan sa Senado.
Piglinaw ni Lacson na mayong problema an komite kun Independent Commission for Infrastructure (ICI) na an makua sa computer ni Hernandez.
