Piglalaoman ni Presidente Ferdinand Marcos Jr., an magayon na resulta kan pagtatabangan kan national government asin lokal na gobierno kan Pampanga tanganing maproteheran an Overseas Filipino Workers (OFWs) kontra sa illegal recruitment asin human trafficking.
Sa pagdestrebwer nin Agarang Kalinga at Saklolo o AKSYON Assistance, pigtawan duon kan Presidente an importansiya kan malinaw na koordinasyon asin sabay na paghiro kan mga ahensiya kan gobierno.
Sigun sa Presidente, dae bastante na igwang mga programa sana huli ta kaipuhan ining ipautob nin marhay asin igwang malasakit.
Mas papahigoton man an koordinasyon kan Department of Migrant Workers (DMW) asin mga lokal na gobierno para sa kapakanan kan mga OFW sa irarom kan pigtintaan na Memorandum of Agreement (MOA).
Pigtawan duon pa kan Presidente an kasunduan an simbolo kan pagkakasararo kan national asin local government kontra sa illegal recruitment asin human trafficking.
Pigsugo pa kan Punong Ehekutibo sa mga ahensiya kan gobierno na gibuhong marekas, marhay asin makatawo an serbisyo para sa mga Pilipino.
