Nagpreparar na an Israel para sa dagos na pagpautob sa enot na parte kan peace proposal ni US President Donald Trump.
Ini an diretsong pagpapalibre sa mga natatadang bihag na kapot kan Hamas sa Gaza.
Ginibo kan opisina ni Israeli Prime Minister Benjamin Netanyahu an pahayag kasunod kan nagin kasimbagan kan Hamas sa proposal ni Trump na nagtutugot na sindang palibrehon an gabos na mga bihag maski pa mawot ning negosasyon sa nagkapirang isyu na inilatag sa nasambitab ng plano.
Sigun sa Hamas, ipapadagos ninda an bilog na kooperasyon sa US President asin sa saiyang team tanganing matapos an an giyera susog sa mga prinsipyong piglatag kan Israel sa bisyon ni Pres. Trump.
Sigun man sa grupo nakapreparar man sindang tolos na maglaog sa mga negosasyon sa paagi kan mediators tanganing pag-ulayan an mga detalye manungod sa pagriribay kan mga bihag asin nakapreparar man sinda mapasakamot an pag-gogobernar sa Gaza sa irarom kan sarong Palestenian Authority of Independents basado sa Palestinian national consensus.
An pahayag man kan Hamas an susog sa pangapudan ni Trump sa Israel na tolos na ipauntok an pagbobomba sa Gaza tanganing maisagibo an pagpapalibre sa mga bihag.
