Pigtawan-duon kan opisyal kan DEPED Camarines Sur na bakong madali an pagigin paratukdo.
Sa entrevista kan Bombo Radyo Naga ki atty. Salvador Bogs Pelingon Division Information Officer, DEPED Camarines Sur, sinaysay kaini na bako soboot madali an pagigin paratukdo orog na kun nasa public school huli ta dakol an numero kan estudyante na kaipuhan tukduan nin pagbasa asin pagsurat.
Ini an an nagigin challenge sa mga paratukdo, kun kaya dae pupwede soboot maliiton an trabaho kaini huli ta sinda an sakripisyado magtrabaho maski mayo na sa eskwelahan tanganing makapreparar kan panibagong itutukdo kinaagahan.
Alagad tanganing malikauant man sa eskwelahan an pambabastos sa maestra o maestro igwa dapat soboot an eskwelahan nin handbook kun saen kaiba sa mga polisiya an mga estudyante.
Mientrastanto an mga polisiya na nakabugtak manungod digdi dapat aware an mga estudyante tanganing malikayan an mga dae dapat gibuhon sa eskwelahan orog na an bullying asin pambabastos sa paratukdo.
Mientrastanto, an kinamarhay sa pagtutukdo, an saimong kaulay puro tawo asin nakakapag heras nin mga importanteng impormasyon.
Huli kaini mawot soboot paabutan nin pagbati kan opisyal nin happy world teachers an gabos na mga paratukdo sa nasyon.
Sa Camarines makundusir nin selebrasyon sa Octobre 6, 2025 sa Fuerte Sports Complex sa Cadlan Pili na Kun saen piglalaoman an pagkakasararo kan mga paratukdo.
