Nagde-demand nin transparency si Agot Isidro sa pigkundusir na imbestigasyon kan Independent Commission for Infrastructure (ICI).
Binilog an nasambitan ng Komisyon tanganing imbestigaran an mga iregularidad sa mga flood control project asin siertuhon an paninimbagan sa paggamit kan public funds.
Katakod digde, pigsaysay kan aktres na dae soboot magkakaigwa nin livestreaming an nasambitan ng imbestigasyon.
Marurumduman piglinaw ini kan bagong executive director kan ICI na si Brian Keith Hosaka, na nagsasabing an investigation kan ICI sarong “proseso” na dae tolos matutukdo.
An mga pigkukundusir na imbestigasyon sa isyu kan Senate Blue Ribbon committee asin an House infra-committee livestreamed sa TV asin social media platforms.
Pero naka-pause ini sa presente, kun kaya nangangapudan si Agot na magkaigwa nin live streaming an imbestigasyon kan ICI tanganing bako soboot blinded an nasyon.
Dugang pa ni Agot na dapat an ICI buksan an pag-urulay sa publiko, an mga documents asin ebidensiya iluwas, kun igwang meeting tugutan an media na mag cover, tanganing magkaigwa nin transparency na kamawotan kan publiko.
