Suportado ni Senate President Pro Tempore Ping Lacson sinda Senate Committee on Finance Chairman Senador Sherwin Gatchalian asin Senate President Vicente Sotto III sa pangapudan na halion an unprogrammed appropriations sa 2026 National Budget.
Sigun ki Lacson, makikisumaro ini sa posisyon kan Senado enkaso magkaigwa nin iriwal sa pag-ultanan kan duwang kapulungan kan Kongreso sa Bicameral Conference Committee.
Pigtawan-duon kan senador an mga report kan Biyernes na kontra an Kamara sa suhestiyon na bawasan an P250-bilyong unprogrammed appropriations.
Susog sa mga report, Pigsaysay ni House Appropriations Chairperson Mikaela Suansing na dae soboot kayang halion kan gobierno an pondo para sa mga foreign-assisted projects.
Kun magtinir na magkaiba an posisyon kan Senado asin Kamara, pigsaysay ni Lacson na kakampi kan Senado an taumbayan na anggot sa katiwaliang nagbutwa sa mga maanomalyang proyekto sa flood control asin imprastraktura.
Apwera digde, nangangapudan man si Lacson sa mga kapwa lehislador na maglikay sa paglaag kan mga personal o individual amendments sa budget bill, asin magpokus sa mga institutional amendments na nakabase sa konsultasyon sa mga lokal na gobierno.
