Sinugo ni Department of Transportation (DOTr) Acting Secretary Giovanni Lopez an pagbawi kan mga protocol license plate na piggagamit kan mga opisyal kan ahensiya asin kan mga attached kaini.
Sigun sa kasuguan, obheto kan lakdang na ini na malikayan an salang paggamit kan mga plaka asin mamantinir an integridad kan mga opisyal na lunadan.
Parte man ini kan mas pinahigot na transparency asin accountability sa laog kan ahensiya.
Piglalaoman na an mga opisyal na lunadan an liwat na irehistro gamit an regular na government plates alinsunod na nag-iiral na regulasyon kan Land Transportation Office (LTO).
Dugang pa ni Lopez, an pagbawi kan protocol plates an parte kan mas mahewas na reporma sa DOTr tanganing mapakusog an tiwala kan publio sa mga institusyong pang-gobyerno.
