Ipinagsugo kan bagong talagang Ombudsman na si Jesus Crispin ‘Boying’ Remulla na bawion muna an pirang mga kasong nasa Sandiganbayan na may koneksyon sa isyu kan Pharmally.
Kun saen ipinawi-withdraw mismo ni Ombudsman Boying Remulla an partikular na mga kasong dae pa sumasairarom sa arraignment kan korte.
Sigun sa nasambitan ng opisyal, saiya ining ipinag-sugo tangani masuri asin isairarom sa ‘reassessment’ an mga reklamong pigsunad kan Ombudsman sa Sandiganbayan.
Obheto soboot na masierto an kapreparaduhan kan mga ini sa oras na maisunad sa korte o an inaapod kaining ‘ready for trial’.
Paliwanag man ni Ombudsman Remulla na dae ini kampante sa mga reklamong naisunad, kun kaya mawot kaini na ini mismo an magsirip asin aramon an mga detalye kan kaso.
Marurumdumang an Senado an iyong nangenot sa imbestigasyon katakoe sa kontrobersyal na isyu kan Pharmally.
Digde pinag-ulayan an bilyun-bilyong pondo kan gobyerno na ginamit kan Department of Health tangani ipambakal sa mga overpriced na medical supplies sa kasagsagan kan pandemya kan adminstrasyong Duterte.
Kaya man huli digde, mawot na matawan linaw ni Ombudsman Remulla an mapadapit sa kaso enkaso aminado man ining dae kaini labing natutukan kaidto.
