Pigsugo ni Department of Transportation (DOTr) Acting Secretary Giovanni Lopez sa Land Transportation Franchising and Regulatory Board (LTFRB) na padusahan an mga bus comapny na dae nagsusunod sa tamang terminal asin road safety standards.
Ini an makalihis na inspeksiyunon kaini an walong bus terminal sa Cubao komo pagpreparar sa Undas.
Nanutaran kaini na apat sa mga terminal an igwang mga pasilidad o lunadan na dae naaayon sa pamantayan kan ahensiya.
Nabanggit man ni Lopez na kaipuhang igwang tamang tukawan, bentilasyon, malinig na CR kaibahan an all-gender restrooms asin marhay na lugar para sa mga driver asin mga maribay nin diaper o mapasuso.
Nanutaran kaining igwang worn-out tirez an sarong bus kan Jam liner, na mayong marhay na pasilidad an Dagupan Bus Co., may expired permit an DLTB Bus Co., asin kulang sa tamang tukawan an Super Lines Bus Co.
Pig-omaw man kaini an Victory Liner, Viron Transit, asin Alphs Bus Co huli sa marhay nindang mga terminal, orog na an Victory Liner na ugwang preparadong tabang para sa mga senior citizens.
