Opisyal nang inako kan Association of Southeast Asian Nations (ASEAN) an nasyong Timor-Leste (East-Timor) komo ika-11 miyembro kaini makalihis an 14 taong paghahalat.
An pormal na pag-anunsyo an ginibo sa ASEAN Summit sa Kuala Lumpur ngunyan na aldaw kun saen itinaas an watawat kan Timor-Leste sa linya kan iba pang nasyong kasapi.
Sigun ki Prime Minister Xanana Gusmão, makasaysayan ini para sa panibagong kabtang sa nasyong Timor-Leste.
Siring man an pagkaogma ni Timor-Leste President Jose Ramos-Horta, kun saen sinaysay kaini na haloy na soboot obheto kan nasyon na magin parte kan ASEAN tanganing mapakusog kaini an koneksiyon kan rehiyon sa mga kataid na nasyon sa Southeast Asian.
Alagad maski sadit sana an ekonomiya kan Timor-Leste na nasa $2 billion, naglalaom an gobyerno na mabukas an pagigin kasapi kaini sa ASEAN nin mas makusog na oportunidad sa kalakalan asin pamumuhunan.
Napag-araman na an Timor-Leste an dating pinamamayuhan kan Portugal asin nasakop kan Indonesia antes dagusang naabot an kalayaan kan taong-2002.
