Masumiter an Land Transportation Franchising and Regulatory Board (LTFRB) nin rekomendasyon sa epartment of Transportation (DOTr) ngunyan na semana dapit sa kahagadan na dugang-pasahe sa mga Public Utility Vehicles (PUVs).
Ini an kinumpirmar ni LTFRB Chairman Atty. Vigor Mendoza II makalihis an isinagibong Public Consultation on Fare Increase kasuodma.
Sigun ki Mendoza na an mga report na saindang naresebir an gikan sa mga backlog kan ahensiya kan nakalihis pang 2023 hasta 2024.
Dugang pa kaini na depende pa sa magigin desisyon kun tutugotang gibuhon na sarabay an dugang-pasahe kan mga pampublikong lunadan.
Para ki Mendoza, dakulang tabang an pakikipag-ulay sa mga transportation operators, drivers, asin mga komyuter sa mga alternatibong solusyon tanganing dae na maglangkaw nin pamasahe.
Sa ngunyan, bibilugon an gabos kan nagunong report kan ahensiya gikan sa manlaen-laen na rehiyon antes an pagpapasa kan rekomendasyon sa DOTr.
