Matinir sa full alert status an lebel kan alerto kan Philippine National Police (PNP) komo parte kan pagpepreparar kan pulisya sa mahewasang demonstrasyon sa maabot na Noveber 30 rally.
Sigun ki PNP Spokesperson asin Public Information Office Chief PBGen. Randulf Tuaño, nagpapadagos an deployment kan PNP Directorate for Operations sa parte kan Mendiola kun saen naka-standby an labi sa 167 na mga personahes tanganing masierto na magigin matoninong sa parteng ini kan Manila kayakod pa man kan mga nagpapadagos na hiro protesta.
igsierto man ni Tuaño na mananaig pa man an pagpapautob kan maximum tolerance basado man sa nagin direktiba ni Acting PNP Chief PLtGen. Jose Melencio Nartatez Jr., kun saen mahigot mang pigpapautob an zero tolerance for violence.
Matinir man na flexible sa ngunyan an deployment kan PNP sa mga lugar na pigbabantayan kan Pambansang Pulisya.
Kun enkaso man na tapuson tulos an deployment sa parte kan Mendiola, magigin senyales man ini tanganing magbaba an lebel kan alerto kan PNP.
Dugang pa ni Tuaño, an mga nanudan ninda za mga nakalihis na rally an sainda man ipapautob siring kan mga nagin pagpapadara kan armas kan nagkapirang miyembros kan pulisya sa Quirino Grandstand dara kan nagin miscommunication sa organizer kan programa asin magin sa parte kan pulisya.
Mientrastanto, apwera man sa mga pagpepreparar na ini, tinalakay na man an mga posible pang pagbabago sa deployment asin magin sa magigin latag kan seguridad para sa mahewasang demonstrasyon sa aldaw na ini.
Marurumduman man na ini an katakod sa naenot ng September 21 Trillion Peso March Rally sa EDSA People Power Monument asin sa EDSA Shrine na iyong pinuonan kan manlaen-laen na progresibong grupo.
