Piglaoman ni House Committee on Human Rights Chairman asin Manila 6th District Rep. Bienvenido “Benny” Abante Jr. na mas magigin makusog an pagpapautob kan Anti-POGO Act, kasunod sa hatol kan korte na habambuhay na pagkakulong ki dismissed Bamban, Tarlac Mayor Alice Guo.
Nagtutubod si Abante na makakatbang an hatol ki Guo sa paglalapigot na dagusang mapura sa nasyon an Philippine Offshore Gaming Operations (POGO).
Pigsaysay pa ni Abante, ini an katakod kan lakdang na matawan nin hustisya an mga biktima kan krimen na igwang kinaaraman sa POGO, siring kan human trafficking, torture, asin iba pang organisadong krimen.
Huli kaini, nangapudan si Abante na habulon an kada indibidwal na pigtugutan na mangyari an criminal operations, orog na an mga operator, mga nagpondo, asin mga opisyal na nagbukas nin pinto para sa POGO asin mga ilegal kaining aktibidad.
