Pigpapa-review ni Senator Rodante Marcoleta an 12 anti-poverty programs na pigpautob kan Department of Social Welfare and Development (DSWD).
Sa budget deliberation para sa DSWD, pigsaysay ni Marcoleta na sa kadakol na programa para sa mga nagteteos, dae man soboot nabawasan an numero kan mga Pilipinong nagugutom.
Pigtukdo kan senador na sa survey kan 2022 nasa 48% na mga Pinoy an nagsaysay na sinda an teos , nagtinir ini sa 48% kan 2023, naglangkaw sa 57% kan 2024, asin kan September 2025 nagbaba sa 50%.
Katampad ini kan 14.2 million na pamilyang Pilipino o 24 milyon hasta 30 milyong indibidwal.
Sigun man ki Senator Pia Cayetano, na iyong nagsponsor kan DSWD budget, igwa nang ginigibong pag-aadal sa saindang programa tanganing matukoy kun arin an epektibo asin dapat pang trabahuhon.
