An katapatan kan lambang soldados an dapat nakatuon sana sa Republika kan Pilipinas asin bako sa sisay man na indibidwal o grupo.
Ini an tinawan-duon ni PBBM sa Joint Graduation ceremony kan mga major services officers candidate course kan AFP.
Sigun ki Presidente Marcos, dapat magtinir na suhay an anuman na klase kan pulitika o magin apolitical an mga soldados, an pagigin miyembro kan AFP an pagsasabuhay kan integridad asin tapat na pagseserbi sa bayan.
Pig-enkaminar kaini an mga bagong opisyal na mantiniron an dangal kan uniporme asin tupadon an saindang tungkulin na igwang katapatan asin dedikasyon para sa katoninongan asin seguridad kan nasyon.
Dugang pa kan Presidente na panahon ngunyan, kun kasuarin kadakol na mga Pilipino an nangangaipuhan nin katapatan asin katapangan sa serbisyo, an mga soldados soboot an enot na halimbawa sa gabos.
