NAGA CITY- Padagos an pagdestrebwer nin abono asin banhi kan City Agriculture Office Naga sa mga paraoma sa siyudad nin Naga.
Sa entrevista kan Bombo Radyo Naga ki Francis Abisola, Agricultural Technician kan City Agriculture Office Naga, sinaysay kaini na nasa peak kan taranuman an mga paraoma sa siyudad kun kaya padagos man an pagtatao nin tabang kan nasambitan ng opisina sa paagi kan pagtatao nin banhi asin fertilizer.
Sigun ki Abisola, igwang mga paraoma an nagtanom na kan nakalihis na Disyembre mantang an iba ngunyan na bulan kan Enero.
Katakod digde, nakatalaan na magtao nin abono an City Agriculture Office Naga sa masunod na semana sa clustered area kan siyudad siring kan San Felipe, Carolina asin San Isidro.
Mapakol man sa nasa 400 na benipisyaryo kan in-kind fertilizer an makakareseber nin bags kan Urea asin complete fertilizer.
Mientrastanto, liwat man na pig-enkaminar kan opisyal an mga paraoma na magparehistro sa Registry System for Basic Sectors in Agriculture huli ta ini an nagigin basehan kan mga tabang na pigtatao kan DA.
Dugang pa ni Abisol, sa Naga City kadikit na sanang mga paraoma an dae nakapagparehistro kun saen an saindang problema an kawaran nin proof of ownership.
Alagad pig-asegurar man kan opisina na igwa sindang pigtatao na tabang sa mga paraoma na dae rehistrado sa nasambitan ng RSBSA
