Pighurot kan Department of Justice na matinir a man sa laog kan kulungan si former Negros Oriental 3rd District Rep. Arnolfo Teves Jr.
Ini an sa ibong asin makalihis mapawarang sala sa saro kaining pigkakahampang na kasong murder sa naganap na krimen kan taong-2019.
Sigun kaya ki Justice Spokesperson Atty. Polo Martinez, dae pwedeng palibrehon gikan sa pagkakakulong an dating lehislador huli man ta igwa pang ibang mga kaso na pigsunad kontra sa saiya.
Mantang paglilinaw man kaini na an ahensiya an presenting mayo pang nareresebir na opisyal na kasuguan gikan sa korte na nagkukumpirmar na naibasura an kaso.
Kasuodma kaya, ipinawarang bisa kan Manila Regional Trial Court Br. 15 an pigkahampang na kasog murder ni former Negros Oriental Rep. Arnolfo ‘Arnie’ Teves Jr.
Ibinasura kan nasambitan ng korte an pigsunad na kaso kontra sa dating lehislador na igwang kinaaraman sa naganap na paggadan ki former board member Michael Dungog.
Pinagbigyan man kan korteng may kapot sa kaso an pigsunad na ‘demurrer to evidence’ ni Arnie Teves Jr, asin an nagkapirang kapwa akusado.
Alagad pigtawan-duon ni Justice Spokesperson Martinez na sulamenteng opisyal asin awtentikadong kopya kan ‘court ruling’ na pigsunad sa saindang prosekusyon an saindang pagbabasehan.
Mientrastanto, ikinaogman man kan kampo ni Former Congressman Teves an inisyung ‘acquittal’ sa sarong murder case kaining pigkakahampang.
Nanindugan an saiyang abogado na si Atty. Ferdinand Topacio na an nasambitan ng kaso an panggigipit sana kun kaya ibinali sa pagsunad kontra sa dating lehislador.
