Nasa kustodiya na kan Philippine Coast Guard (PCG) an 15 pinoy na survivor asin lawas kan 2 binawian nin buhay na crew members kan M/V Devon Bay makalihis na maturn-over kan Chinese Coast Guard (CCG).
Basado sa pahayag kan PCG, nakua an mga pinoy crew members makalihis an isinagibong turnover operation sa tahaw kan PCG asin CCG na igwang rayong 168 nautical miles pakanlurang parte kan Tambobong, Pangasinan.
Sigun pa sa PCG, naibalyo an mga pinoy sa paagi kan rigid-hull inflatable boats huli sa dakula kan alon kaya dae makapagdukot an duwang barko.
Mantang nakikipag-koordinar na man an PCG sa pamilya kan duwang binawian nin buhay tanganing matawan nin marhay na bilar an mga biktima.
Presenteng sakay kan BRP Teresa Magbanua (MRRV-9701) an 17 crew members na piglalaomang makakaabot sa Pier 13 kan Port Area sa siyudad kan Manila, Lunes in aga.
Mantang pigsierto man kan PCG na padagos pa man an isinagibong search and rescue operation sa 4 pang nawawara.
Huring nanutaran an M/V Devon cargo sa rayong 262 kilometro sa kanlurang parte kan Sabangan, Pangasinan, bandang alas-8:30 nin banggi kan nakalihis na Huwebes karga an iron ore pasiring Guangdong China.
Mientrastanto, nagpaabot na man nin pasasalamat si PCG spokesperson Captian Neomie Cayabyab sa ahensya kan CCG para sa humanitarian assistance tanganing masierto an pagmamantinir kan kasalbaduhan kan buhay sa kadagatan.
