Pigsierto kan Palasyo kan Malakanyang na mayo nang balasahan an magaganap.
Ini an makalihis na sabihon ni Palace Press Officer USec. Claire Castro na isusumiter na sa Commission on Appointments an pangaran kan mga sekretaryo kan manlaen-laen na departamento.
Pigtuyaw kaya ni Senador Rodante Marcoleta na kadaklan sa pamayo kan mga ahensiya an nagtitinir na nasa acting capacity.
Sigun ki Castro, mismong si Presidente Ferdinand Marcos Jr. an nagsabi kaini siring man an pagsusumiter kan mga pangaran sa CA sa orog na marekas na panahon.
Kaibahan sa mga tinukoy ni Marcoleta sa saiyang prvilege speech sa Senado an Office of the Executive Secretary, Department of Finance, Department of Public Works and Highways, Department of Justice, Department of Budget and Management, Department of Environment and Natural Resources, Department of Transportation asin Presidential Communications Office.
Patungkol man ki DENR Sec. Raphael Lotilla, hihilingon man muna kan Palasyo an record sa pigsasabing pantolong beses kan pag-bypass kan saiyang appointment.
