NAGA CITY- Nag-abiso an pamayo kan CBSUA-PILI Agromet Station sa posibleng maekperyensyahan na mga pag-uran huli sa posibleng epekto ni Bagyong Basyang.
Sigun sa naging pakikipag-ulay kan Bombo Radyo Naga ki Ian Neil Nuñez, Officer in Charge kan nasambitan ng opisina, posibleng makaeksperyensya nin mga pag-uran sa maabot na aldaw nin byernes huli sa epekto kan sherline na nasa hababang parte kan Bicol Region alagad pwedeng maglangkaw an lokasyon huli sa paglaog sa Area of Responsibility ni Bagyong Basyang.
Sigun sa opisyal dae piglalaoman na makusog an nasambitan ng bagyo kun sain sa inisyal na forecast posibleng mag-abot lang ini hasta sa signal number 1 o tropical depression.
Mientrastanto sa huring weather forecast pigbandera na an signal number 1 sa southern portion kan Surigao Del Sur, kabali na an Cagwait, Marihatag, San Agustin, Barobo, Tagbina Hinatuan, City of Bislig, Lingig ansin Lianga.
Piglalaoman na ma land-fall an nasambitan ng bagyo sa Sirangang Mindanao puon Webes nin bangui hasta Biyernes nin aga posibleng maging saro na ining ganap na tropical storm.
