NAGA CTIY- Padagos na pig-aasikaso kan pamayuhan kan Barangay Mabolo, Naga City an pagpapatugdok kan saindang Evacuation center or multi purpose building.
Sa entrevista kan Bombo Radyo Naga ki Arthur Matos an Barangay Kapitan kan nasambitan ng lugar, sinaysay kaini na ngunyan na taon piglalaoman na maipapatindog an nasambitan ng edificio.
Sigun ki Matos, igwa na soboot nin budget para sa proyekto kun saen an kaipuhan sana na asikasuhon kan saindang konseho matapos an pighahagad na requirements.
An pondo na naka-alokar digde an mapakol sa P10-M na gikan sa GAA asin yaon na sa DPWH para sa pagproseso.
Siringman, magkakaigwa nin consultative meeting an Barangay sa saindang mga nasasakupan tanganing maaraman an anong design an saindang mawot para sa nasambitan ng Evacuation centers or multi purpose building.
Mientrastanto, kinaulay naman ni Matos si Naga City Mayor Leni Robredo para sa tutugdukan kan edificio.
Pagsasadiri soboot kaya kan LGU an daga na kataid kan saindang Barangay. Sa ngunyan, naglalaom an opisyal na tolos ining maisasakatupad sa orog na marekas na panahon.
