Nag-angat liwat si EJ Obiena sa pagbubukas kan saiyang 2026 season makalihis na masungkit an gold medal sa pole vault sa 2026 Asian Indoor Athletics Championships kan nakalihis na Sabado sa Tianjin, China.
Naabot kan two-time Olympian an top podium spot makalihis na malinig an 5.70 meters sa enot na attempt.
Pigpurbaran na tampadan ni China’s Li Chenyang an nasambitan ng height alagad nabigo sa tolong attempts, rason tanganing makakua nin silver medal makalihis na lampasan an 5.60m.
Nakumpleto man ni Chen Yang, saro man na Chinese vaulter, an podium sa bronze makalihis na ma-clear an 5.40m.
Alagad maski kapot ni Obiena an Asian record na 5.93m, pigpurbaran kaining lampasan an 5.80m, alagad nabigo sa gabos kan tolong attempts.
Duwang semana antes an Asian Indoor meet, nagpahiling nin tibay si Obiena makalihis dominahon an International Springer-Meeting sa Germany, patunay kan saiyang pusog na porma sa indoor season.
Mientrastanto, sunod man na babalihan kan Filipino pole vault ace an INIT Indoor Meeting Karlsruhe sa Germany komo parte kan saiyang sunod-sunod na international competitions ngunyan na taon.
