Nagtao nin pahayag an Ministry of Foreign Affairs and International Cooperation kan Cambodia na mayo soboot sa saindang nasyon an negosyanteng si Atong Ang.
Kun saen taliwas ini sa nagin paenot na impormasyon kan Department of Interior and Local Government (DILG) na yaon sa saindang nasyon an nasambitan ng negosyante.
Katakod kaini, nagpaabot man nin pasasalamat an Philippine National Police (PNP) sa kooperasyon asin pagtabang kan gobierno kan Cambodia para sa pagberipika kan hiro ni Ang.
Sigun ki PNP Chief Gen. Jose Melencio Nartatez Jr., matinir na agresibo an isasagibong manhunt bako sana ki Atong Ang pati na man sa iba pang pinaghahanap kan mga otoridad sa ngunyan.
Kun saen kaibahan digde an padagos na pakikipagtabangan sa iba pang ahensya kan gobierni asin an koordinasyon sa ibang mga nasyon.
