Plano ni Kalayaan Vice Mayor Maurice Philip Albayda na personal na magpasiring sa Metro Manila sa masunod na semana tanganing isumiter an resolution na nagkokondenar asin naghahagad na halion an pahayag ni Senator Rodante Marcoleta na pagsuko sa Kalayaan Island Group (KIG).
Sa sarong entrevista, kinumpirmar ni Vice Mayor Albayada na inaprubahang “unanimously” kan gabos kan miyembro kan Sangguniang Bayan kan Kalayaan an nasambitan ng resolusyon. Ipinaliwanag kan lokal na opisyal na obheto kan saindang nagin lakdang na mapreserba an dignidad asin integridad kan saindang banwaan.
Sigun sa Bise Alkalde, apwera sa Commission on Appointments (CA) masumiter man ini nin kopya kan resolution sa opisina ni Senate President Vicente “Tito” Sotto III.
Marurumduman, sa kasagsagan kan pagdangog kan Commission on Appointments sa Senado kan nakalihis na Pebrero 4, binutasan ni Senator Marcoleta an kontrobersiyal na pahayag na isuko na sana an KIG huli ta dae man soboot ini sakop kan executive economic zone (EEZ) kan Pilipinas.
Alagad, sa entrevista kan Bombo Radyo, pinalagan ini ni Kalayaan Vice Mayor Albayada asin pighurot na mayong kinaaraman an exclusive economic zone sa territorial integrity huli ta magkaibang ulayan ini.
Paliwanag kan local official na an EEZ an sarong maritime rights mantang an Kalayaan Island Group an mas nakapukol sa territorial integrity.
Pinagtibay man kan Kalayaan local government an declaration na binisto kan United Nations na kun sisay an nakatukaw an siya an may kansadiri o claimant.
