Nakatalaan na magbisita ngonian na hapon si Department of Public Works and Highways (DPWH) Secretary Vince Dizon para inspeksyunan an Andaya Highway na saro sa mayor na ruta na nagkokonektar sa Luzon asin sa Bicol Region.
Sa intrevista kan Bombo Radyo Naga ki Naga Vice Mayor Gabby Bordado, sinaysay kaini na an pagbisita parte kan direktiba kan gobyerno nasyonal na apuradong hirahayon an tinampo bago mag-abot an Semana Santa, kun nuarin piglalaoman an pagdakol kan mga nagbibiyahe.
Segun sa opisyal, an City Engineer’s Office an tinawan nin trabaho na magpreparar asin makipagkoordinar sa DPWH. Alagad, nagkapirang opisyales kan Sangguniang Panlungsod an nagsabi na dai sinda tulos naabiso kan pag-abot kan sekretaryo. Sa ibong kaini, pigsierto kan ciudad na preparado na an mga aktibidad asin plano para sa inspection.
Ipinahayag man ni Bordado na kabale sa preparasyon an pagpaskil nin mga traffic advisories asin rerouting schemes ngani na dae maapektaran an dalagan kan mga behikulo. Pigbabantayan kan City Engineer’s Office an mga aktibidad kan DPWH. Pagtao nin impormasyon sa publiko manungod sa mga gibong rehabilitasyon. Dugang pa kaini na an piglalaoman na resulta iyo an pagkakaigwa nin Immediate repairs bago an Semana Santa para maseguro an ligtas na pagbyahe kan mga motorista. Long-term rehabilitation plan para sa Andaya Highway asin Maharlika Highway tanganing maibitaran an paulit-ulit na mga problema sa buho asin paggutok.
Mas marikas na byahe hale sa Manila pasiring sa Bicol, na makakatabang sa turismo asin sa ekonomiya kan rehiyon. Kun magigirumduman, an Andaya Highway na inaapod man na Quirino Highway, haloy nang sentro nin reclamo huli sa darakulang labot asin maluway na dalagan kan trapiko. Sec. Pighihiling na importanteng lakdang an inspeksyon ni Dizon tanganing maseguro na magigin ligtas asin maray an pagmantenir kan tinampo para sa rinibong mga biyahero ngonian na Semana Santa.
