Epektibo ngunyan na aldaw an dakulang bawas-presyo sa mga produktong petrolyo, segun yan sa Department of Energy (DOE). Sa abiso kan DOE, mababa nin P9.26 kada litro an presyo kan diesel, P4.76 kada litro kan gasolina, asin P10.86 sa kada litro kan kerosene.
Segun ki Sharon Garin, bahagyang nagbabalik sa mas hababang antas an presyo kan langis matapos an mga nakalihis na pagtaas na dulot kan tensyon sa pankinaban na merkado kan langis.
Marurumduman na kan huring parte kan Pebrero, nagsagibo an United States asin Israel nin mga pag-atake laban sa Iran, na nagdulot nin pagtaas kan presyo kan langis sa pankinaban na merkado dahil sa pangamba sa limitadong suplay.
Bahagyang naghupa an tensyon matapos an pansamantalang tigil-putukan asin liwat na pagbubukas kan Strait of Hormuz, sarong mahalagang ruta kan langis kun sain nag-aagi an kinakarkulong 20% kan pankinaban na suplay.
Mientrastanto, inanunsyo man kan DOE an pagtaas sa presyo kan liquefied petroleum gas (LPG), na malangkaw nin P3.41 kada kilo.
