Nagpaluwas an Department of Trade and Industry (DTI) nin bagong “Gabay sa Pamimili ng School Supplies” para sa School Year 2026–2027 tanganing tabangan an mga consumer na magkumpara kan presyo mantang nagpepreparar an mga pamilya para sa pagbubukas kan klase.
Segun sa DTI, obheto kan price guide na magtao nin gabay sa karaniwang binabakal na gamit sa eskwela siring kan notebooks, papel, lapis, ballpen, krayola, pambura, pantasa, asin ruler.
Batay sa advisory kan ahensya:
Notebooks (80 leaves): P13 – P52
Spiral notebooks: P14 – P49
Yarn notebooks: P14 – P47
Grade pad paper: P13 – P37 bawat pad o pack
Intermediate pad paper: P22 – P69.75 bawat pad
Pencils: P12 – P18 kada saro / P15 – P24 per pack
Ballpens: P3 – P21 kada saro / P18 – P27 per pack
Crayons: P12 – P114 kada kahon depende sa kulay
Erasers: P8 – P20 kada saro
Sharpeners: P16 – P69
Rulers: P8 – P32
Segun sa DTI, an gabay na ini ipinaluwas tanganing matabangan an publiko na makapili nin abot-kayang school supplies habang pigsierto an kalidad asin tamang label kan mga produkto.
Inabisuhan man kan ahensya an mga customer na mag-ingat na hilingon an mga label asin detalye kan produkto tanganing masierto na an babakalon an ligtas asin akma sa pangangaipohan kan mga estudyante.
