Irerekomenda kan Department of Agriculture (DA) an pag-extend kan P50-per-kilo na maximum suggested retail price (MSRP) para sa bigas, na nakatakdang magpaso sa Hunyo 30.
Sa press briefing, sinabi ni Claire Castro, Undersecretary kan Presidential Communications Office (PCO) asin Palace Press Officer, na pinag-aadalan pa kan DA an posibilidad na palawigon an nasabing lakdang tanganing mantineroni an abot-kayang presyo kan bigas para sa mga konsyumer.
Segun digdi, mayo pang pinal na desisyon an panukala asin kinakaipuhan pang magsairarom sa masusing ebalwasyon kan National Price Coordinating Council antes isumiter sa pag-aprobar kan Presidente.
Mientrastanto, kinumpirma ni Castro na may nagkapirang rice retailers na ngunyan an nagsasasirarom sa imbestigasyon katakod kan suboot paglapas sa government-imposed price cap. Pinunan na kan DA an pag-isyu nin notices sa mga establisimyento na pinaghihinalaan na nagbalgar sa polisiya habang padagos an imbestigasyon.
Pig-inkaminar kan Malacañang an publiko na magtabang sa pag-monitor kan pagsunod sa rice price cap sa paagi kan pag-report kan anuman na posibleng paglapas sa tamang panundon.
Segun ki Castro, dai pa ninda maitao an eksaktong bilang kan mga rice retailers na iniimbestigahan, alagad kumpirmado na may mga establisimyento nang natawan nin notices para sa posibleng paglapas.
