Mahigot na binabantayan kan Armed Forces of the Philippines (AFP) an sarong warship kan People’s Liberation Army Navy (PLA-N) asin sarong unmanned surface vessel (USV) na pigreport nahiling na naglalayag sa exclusive economic zone (EEZ) kan nasyon.
Tigpamaba sa AFP para sa West Philippine Sea, Ret. Rear Admiral Roy Vincent Trinidad, sinaysay kaini na nakikipagkoordinar na an militar sa iba pang maritime agencies para ma-verify asin masubaybayan an presensya kan mga nasambitan ng mga sakayang pandagat.
Tinawang-duon ni Trinidad na sa ngonian mayo nin huma sa seguridad kan publiko o seguridad nasyonal.
Sa ibong kaini, pig-asegurar kaini na an Sandatahang Lakas padagos na mabantay asin magibo kan mandato kaini na protehiran an interes sa kadagatan kan Pilipinas.
An AFP naggibo kan pahayag na ini kasunod kan footage na nakua kan nakabase sa California na kumpanya na Seasats kan Hunyo 16 gamit an saindang Lightfish USV. An video nagpapahiling nin sarong Chinese Type 052D guided-missile destroyer.
Susog sa report (Reuters), an USV nagkaigwa nin serye nin mga “engkwentro” sa mga sakayan naval kan Tsina, kabali an Type 052 asin 055 na mga destroyer, asin Type 056 na mga corvette.
An pagkatotoo kan footage, pagkakakilanlan kan barko, asin lokasyon pig-verify gamit an datos kan Seasats asin orihinal na metadata kan file.
