Ipapautob kan Singapore an mga bagong batas na obhetong protektahan an mga mamamayan kaini kontra sa online sexual abuse, kabali an paggamit kan artificial intelligence (AI) para maggibo nin malalaswang litrato na mayong permiso.
Sa irarom kan saindang bagong ley, ipigtuturing na krimen an pagibo nin intimate images, kabali an AI-generated materials, na mayong consent.
Pwedeng makulong nin hanggang duwang taon asin pagmultahon.
Mas magabat man an padusa kung menor de edad na mayo pang 14-anyos an biktima.
Pwede na man kasuhan sa Singapore an mga suspek na nanggroom kan mga menor de edad sa ibang bansa asin pagkalihis ay nagibo nin sexual offense, kun an suspek o biktima ay bumiyahe hali Singapore bago mangyari an krimen.
Para sa mga biktimang mayo pang 14-anyos, pwedeng umabot sa pitong taon an pagkakakulong kan mga mapapatunayang nag-groom asin nang-abuso sa mga aki sa ibang nasyon.
Segun sa Singapore Ministry of Home Affairs, obheto kan ley na maparikas an pagpapautob kan mga ley kontra sa online sexual abuse asin mabawasan an paggibo asin pagpapahiras kan AI-generated sexual materials.
