Nakapagrehistro nin kabilugan na 856,291.91 metric tons (MT) an sektor kan parasisira sa nasyon para sa enot na tolong (3) bulan kan 2026, base sa Fisheries Situation Report kan Philippine Statistics Authority (PSA).
Nanginot sa listahan an subsektor nin aquaculture matapos ining magkontribwir nin pinakadakulang porsyon na nagpakol sa 432,755.09 MT, na katumbas nin labi sa kabanga o 50.5 porsyento kan kabilugan na produksyon sa nasyon.
Pumangaduwa man an commercial fisheries na nakapagrehistro nin 205,234.50 MT nin huli, na nagkontribwir nin haros 24.0 porsyento sa kabilugan na bilang nin nakua sa bilog na nasyon.
Sinundan ini kan marine municipal fisheries na nagkontribwir nin 168,022.38 MT sa mga merkado, na an nasabing bilang katumbas nin 19.6 porsyentong porsyon sa pangkagabsan.
Nasa huri man an inland municipal fisheries na nakakua nin 50,279.95 MT sa enot na parte kan taon, na nakakua nin 5.9 porsyentong kontribusyon sa nasyunal na produksyon nin pagsira.
Sa kabilugan, ipinapahiling kan datos kan PSA na an aquaculture asin commercial fishing pa man giraray an pangenot na nagpapadagos kan suplay nin sira asin yamang-dagat sa Pilipinas.
